ಭಾವಪ್ರವಾಹ

ಇಷ್ಟು ದಿನ ಸುಮ್ಮನಿದ್ದು
ಯಾವ ಸುಳಿವು ನೀಡದೆ
ಇಂದೇಕೊ ಉಕ್ಕಿಬಂದ

ಭಾವಪ್ರವಾಹಕೆ ಸಿಕ್ಕಿ 

ಗೊತ್ತುಗುರಿ ಇಲ್ಲದಯೆ

ತೊಳಲಾಡಿದೆ ಮನಸು

ನೀ ಕೂಡಿ ಹಾಡುವುದ ನಿಲ್ಲಿಸಿ
ಬಹುದೂರ ಹೋದ ನಂತರ
ತಾಳತಪ್ಪಿ ಕೊರಗುತಿರುವ
ನನ್ನ ಬಾಳಿನ ಸಂಗೀತದ
ಅಪೂರ್ಣತೆಯ ಅರಿವಾಗಿ
ತಳಮಳದ ಕೂಗು ನನ್ನೊಳಗೆ

ನೀನಿದ್ದೆ ನನ್ನ ಎದೆಯೊಳಗೆ
ಚೆಂಡಿನೊಳಗಿನ ಗಾಳಿಯಂತೆ
ಕಾಣದ ಬಲದ ಮೂಲವಾಗಿ
ನೀ ಹೊರ ನಡೆದ ಮೇಲೆ
ನಾ ಉಸಿರೆ ಇಲ್ಲದ ಶೂನ್ಯದಲಿ
ಚೇತನವಿಲ್ಲದ ಬರಿ ಮುದ್ದೆ

ನಿನ್ನ ನೆನಪಿನ ಹಚ್ಚಹಸಿರು 

ನನ್ನೆದೆಯಲಿ ಬತ್ತದ ಹಾಗೆ

ಕಣ್ಣೀರಿನ ಮಳೆಗರೆದಾದರೂ
ಸದಾ ಹಸಿರಾಗೆ ಇಡುವೆ

ದಿನಾ ಬಿಡದೆ ನೆನೆಸುವೆ

ನೆನೆಸುತಲೆ ನಿನ್ನ ಮರೆವೆ