Friday, December 4, 2009

ಅರಿಯದ ಜೀವನ

ಪಯಣಿಸುತಿರುವೆ ದಾರಿಯಲಿ ಅರಿಯದೆ ದಿಕ್ಕನ್ನು
ತಲುಪುವುದೊಂದೇ ಊರು ಅದುವೇ ಸಾವಿನ ಕೇರಿ

ಮಾಡುತಿರುವೆ ಕರ್ಮ ಅರಿಯದೆ ಮರ್ಮ
ಮಾಡುವುದೊಂದೇ ಸಾಧನೆ ಅದುವೇ ಕಾಲಾಹರಣ

ಬಿಡಿಸುತಿರುವೆ ಚಿತ್ರ ಅರಿಯದೆ ವರ್ಣ
ಕಾಣುವುದೊಂದೇ ಚಿತ್ರ ಅದುವೇ ಪ್ರತಿಬಿಂಬ

ನುಡಿಸುತಿರುವೆ ವಾದ್ಯ ಅರಿಯದೆ ತಾಳ
ಕೇಳುವುದೊಂದೇ ನಾದ ಅದುವೇ ಮೌನ

ಬರೆಯುತಿರುವೆ ಕವನ ಅರಿಯದೆ ಭಾವನೆ
ಬರೆಯುವುದೊಂದೇ ಪಲ್ಲವಿ ಅದುವೇ ಅಹಂಕಾರ

ಓದುತಿರುವೆ ಕಾವ್ಯ ಅರಿಯದೆ ತಿರುಳು
ತಿಳಿಯುವುದೊಂದೇ ಪದ ಅದುವೇ ಸ್ವಾರ್ಥ

ಬಿಡಿಸುತಿರುವೆ ಲೆಕ್ಕ ಅರಿಯದೆ ಸೂತ್ರ
ಸಿಗುವುದೊಂದೇ ಉತ್ತರ ಅದುವೇ ಶೂನ್ಯ

2 comments: