Thursday, December 8, 2011

ನಿಲ್ಲಿಸು ಹೃದಯವೆ ನಿನ್ನ ಕೂಗಾಟವ


ನಿಲ್ಲಿಸು ಹೃದಯವೆ ನಿನ್ನ ಕೂಗಾಟವ
ಆಲಿಸು ಅವಳ ಮೌನದೊಳಗಿನ ನೋವ
ನೀನು ಕೂಗಾಡಿ, ಅವಳು ನರಳಾಡಿ
ಸುರಿಯುತಿರುವಿರೇಕೆ ಕೆಂಡವ ಪ್ರೀತಿಯ ಎದೆಗೂಡಿಗೆ!

ಸದಾ ಇಲ್ಲಸಲ್ಲದ ನೆಪವ ಹೂಡಿ ಮುನಿದು
ಅವಳ ಕನಿಕರಕೆ ಹಾತೊರೆಯುವ ಮನವು,
ಅವಳೊಳಗೆ ಅರೆಘಳಿಗೆ ತನ್ನನು ಕಾಣದಿದ್ದರೆ
ಅವಳಿಗೂ ನೋಯಿಸಿ ತನ್ನನು ದಂಡಿಸಿಕೊಳ್ಳುವಂತ ಮೂಢ!

ಅವಳನುಮಾನವಲ್ಲ, ನನ್ನೊರಟುತನವಲ್ಲ
ನೋವಿಗೆ ಮೂಲವು ಮಿತಿಯಿಲ್ಲದ ಅಪೇಕ್ಷೆ
ಸಾಮಾನ್ಯವದುವೆ ಈ ಸ್ವಾರ್ಥ ಪ್ರೀತಿಯಲಿ
ಒಬ್ಬರನ್ನೊಬ್ಬರು ಅರಿವ ಪ್ರೌಢತೆಯ ಬೇಡಿದೆ ಬಾಳು!

ಅರ್ಪಿಸು ಪ್ರತಿದಿನ ನಂಬಿಕೆಯ ನೈವೇದ್ಯ
ಕೇಳಿಸು ಅಂತರಾಳದ ಸರ್ವಭಾವ ಮಂತ್ರ
ಸಲ್ಲಿಸು ನಿನ್ನ ಮುಂಗೋಪದ ಬಲಿಯ ಹರಕೆ
ಮತ್ತೇನನ್ನು ಕೇಳದು ನಾವು ನಂಬಿರುವ ಪ್ರೀತಿದೇವರು!

6 comments:

  1. Liked lines:
    ನೋವಿಗೆ ಮೂಲವು ಮಿತಿಯಿಲ್ಲದ ಆಪೇಕ್ಷೆ
    ಸಾಮಾನ್ಯವದುವೆ ಈ ಸ್ವಾರ್ಥ ಪ್ರೀತಿಯಲಿ
    ಒಬ್ಬರನ್ನೊಬ್ಬರು ಅರಿವ ಪ್ರೌಢತೆಯ ಬೇಡಿದೆ ಬಾಳು!
    :)

    ReplyDelete
  2. Math: Super Gowdre. Poem started with super lines:)

    ReplyDelete
  3. The first 2 paras - There is pain that is felt behind these lines.
    Next 2 paras, the essence of a relationship is beautifully expressed.

    Saralavaagi hariyuttide bhavanegala lahari..

    ReplyDelete
  4. Thanks a lot Sumi, Your kannada is also improving in big way.. Good. Kannadammange full khushi agirbahudu :)

    ReplyDelete
  5. ಕವನ ಚೆನ್ನಾಗಿದೆ, ಮನ ಅರಳಿತು

    ReplyDelete