ಧರೆಯನ್ನೇ ಮಧು ಮಂಚ ಮಾಡಿ
ತಿಂಗಳ ಬೆಳಕಿನ ಉಡುಪಿನಲ್ಲಿ
ನೀಲಿ ಮುಗಿಲಿನ ಚಾದರದಡಿ
ಹಸಿರು ಹುಲ್ಲಿನ ಹಾಸಿಗೆಯ ಮೇಲೆ
ಸೋಲು ಗೆಲುವುಗಳ ಹಂಗಿಲ್ಲದ್ದೆ ಆಡುತಿರುವ
ಆಟ ಇದು, ಪ್ರಣಯದೂಟ ಇದು.
ಸಿರಿಗಂಧ ಮರಗಳ ಸುಗಂಧ
ಗಾಳಿ, ಜಲಪಾತ, ಪಕ್ಷಿಗಳ ಜುಗಲ್ಬಂದಿ ಸಂಗೀತ
ಚಂದಿರನ ಬೆಳಕು, ಮರಗಳ ನೆರಳ್ಗತ್ತಲಿನ ಚಿತ್ತಾರ
ಬೆಂಕಿ ಹುಳಗಳ ದೀಪಾಲಂಕಾರಗಳ
ನಡುವೆ ರೀತಿ ರಿವಾಜುಗಳಿಲ್ಲದೆ ನಡೆಯುತಿರುವ
ಆಟ ಇದು, ರಸ ಕ್ರೀಡೆ ಇದು.
ಮರಗಳು ಬೀಸುತ್ತಿವೆ ಚಾಮರ ದಣಿವಾರಿಸಲು
ಮಂಜಿನ ಹನಿಗಳು ಬೆರೆಯುತ್ತಿವೆ ಬಿಸಿ ಬೆವರಿನೊಂದಿಗೆ
ತನ್ನ ಮುದ್ದು ಮಗ ನೋಡಿ ಹಾಳಾಗಬಾರದೆಂದು,
ಕರಿಮೋಡಗಳ ಪರದೆಯಿಂದ
ಕರಿಮೋಡಗಳ ಪರದೆಯಿಂದ
ಮರೆ ಮಾಡುತಿದ್ದಾಳೆ ಚಂದಿರನ ಅಮ್ಮ
ಪ್ರಕೃತಿ ಮಾತೆಯ ಮಡಿಲಿನಲ್ಲಿ
ಯಾವುದೆ ನೀತಿ ನಿಯಮಗಳಿಲ್ಲದೆ ನಡೆಯುತ್ತಿರುವ
ಆಟ ಇದು, ಕಾಮಣ್ಣ ಆಡಿಸುತ್ತಿರುವ ಬಡಿದಾಟ ಇದು.
ನಮ್ಮ ಯೋಗಭ್ಯಾಸವನ್ನು ಕದ್ದು ನೋಡಿದ
ನವಿಲೊಂದು ಭಾವೋದ್ರೇಕಗೊಂಡು
ಕುಣಿದು, ಕೂಗಿ ಕರೆಯುತ್ತಿದೆ ತನ್ನ ನಲ್ಲೆಯನ್ನು
ನಾಚಿದ ಮೊಲವೊಂದು ಓಡುತಿದೆ
ಜೀವನದಲಿ ಬೇಸತ್ತ ಒಂದು ಇರುವೆ ಮುಕ್ತಿ ಪಡೆಯಲು
ನಮ್ಮ ಬೆನ್ನಿನಡಿ ಸಿಕ್ಕಿ ಆತ್ಮಹತ್ಯೆ ಮಾಡಿಕೊಳ್ಳುತಿದೆ
ಸೋಲು ಗೆಲುವುಗಳಿಲ್ಲದ ಈ ಆಟಕ್ಕೆ ತೀರ್ಪುಗಾರನಾದ
ಗೂಬೆಯೊಂದು ಎವೆಯಿಕ್ಕದೆ ನೋಡುತ್ತಿದೆ
ಇಷ್ಟೆಲ್ಲಾ ಆದರೂ, ಲೋಕದ ಪರಿವೆ ಇಲ್ಲದೆ ನಡೆಯುತಿರುವ
ಆಟ ಇದು, ರಸಿಕರ ಶೃಂಗಾರದಾಟ ಇದು.
ಗೆಳತಿ, ನಿದ್ದೆಯಲಿ ನಾನು ಲೀನವಾಗಿರುವಾಗ
ನಿದಿರಾ ದೇವತೆಯ ಕಟಾಕ್ಷದಿಂದ
ನನ್ನ ಅವತಾರ ಪ್ರವೇಶ ಮಾಡಿ
ರಸಿಕ ಕನಸು ನಿನ್ನೊಂದಿಗೆ ಆಡುತ್ತಿರುವ
ಆಟ ಇದು, ಕನಸಿನ ಆಟ ಇದು.
ನಾನೊಬ್ಬ ನಿರಪರಾಧಿ ಗೆಳತಿ
ನನ್ನ ರೂಪವನ್ನು ಕನಸಿಗೊಪ್ಪಿಸಿ
ಅಶರೀರ ದೃಷ್ಟಿಯಿಂದ, ವಿಧಿಯಿಲ್ಲದೇ
ನೋಡುತ್ತಿರುವ ಮೂಕಪ್ರೇಕ್ಷಕ ನಾನು
ಆದರೆ ದಯಮಾಡಿ ತಿಳಿಸು ಗೆಳತಿ
ನಿನ್ನ ಸಹಕಾರ ಕನಸಿನಲಿ ಮಾತ್ರ ಯಾಕೆ?
yaari hudugi?? hesaru helidare, kanasu nanasaaga bahudu.
ReplyDeleteJoragide ninna ee gaddala..
ReplyDeletepaapa iruvege aatmahatye madikollalikke daari madi kotti alla.. neenu niraparadhi agalikke hege sadhya?
eega tumba chennagi barithidheera
ReplyDeleteಗೌಡ್ರೆ, ಏನ್ರೀ ಈ ಗದ್ದಲ? ಪ್ರೆಮಕಾವ್ಯದಿಂದ ಶೃಂಗಾರ ಕಾವ್ಯದವರೆಗೂ ಮುಂದುವರೆದಿದೆ.. ಈಗಲಾದರೂ ಯಾರಾ ಹುಡುಗಿ ಅಂತ ಹೇಳ್ರಿ...
ReplyDelete